Жыхарамі Адэльска, а таксама прыхажанамі мясцовага касцёла асабліва ўшаноўваецца святы Атноній Падуанскі за цуды, учыненыя праз яго заступніцтва. Не дарма з даўняга часу на гербе і пячатке Адэльска выкарыстоўвалася выява гэтага святога. Кожны год 13 чэрвеня у мясцовым касцёле праходзіць фэст у гонар Святога. З цягам часу склалася традыцыя у гэты дзень адзначаць і свята вёскі. У гэты дзень збіраюцца усе ад мала да вяліка, з розных канцоў Беларусі і нават свету каб адведаць малую радзіму і разам памаліцца.

13 чэрвеня 2010 года, у дзень памяці Святога Антонія, Адэльск і Адэльская каталіцкая парафія адзначалі сваё 520-ці годдзе.З гэтай нагоды ў цэнтры вёскі быў устаноўлены помнік Святому Антонію, выкананы з бронзы вышынёй 1,8 метра. Аўтарамі работы з’яўляюцца Багуслаў і Крысціна Сольскія. У асвячэнні помніка прымаў ўдзел сам арцыбіскуп, мітрапаліт Мінска-Магілёўскі Тадэвуш Кандрусевіч.